1. Huwag daanan ng conference GM yung mga taong hindi mo naman binanggit sa text.
Hindi lang yung mga taong wala sa text ang naoOP, pati text mo naa-out place sa inbox nila. Risk ng gawaing ito: a) maiinsulto sila dahil iisipin nilang epal sila sa gm list mo, o b) maiinsulto ka dahil iisipin nilang ikaw yung epal.
2. Huwag gawing talaarawan ang GM.
Anong paki nila kung masaya yung party na in-attend mo kagabi? Ano naman sa kanila kung masakit yung ulo mo? At kung maliligo ka na? Hindi mo kailangang i-broadcast lahat ng nangyayari sayo. May blogspot, twitter, at MMK para dyan. Paalala mula sa nakakatanggap ng iyong mga updates: Hindi ka artista at hindi mo sila fans.
3. Huwag bubuo ng lovelife mula sa text-athons.
Bukod sa ito ay NAPAKA-CHEAP, chances are, aesthetically-challenged ang nilalanjutay mong textmate. Kung pangit ka rin, wag mo iisiping exempted ka na sa rule na ito. Maawa ka naman sa anyo ng magiging anak niyo. Wag mong i-reverse ang Evolution of Man.
4. Huwag magdagdag ng unnecessary letters.
Makuntento ka na sa po at wag nang lagyan pa ng h, w, s, o z sa huli. Tigilan mo yang pagpapacute at pagiging gahaman mo sa space. Hindi na nakakatuwa. Please lang pohwszz.
5. Huwag mgt3xT sA gAn2nG aNy0.
Mahiya ka naman sa mga readers — pwera na lang kung ikaw mismo ang magsusustento sa kanila ng gamot para sa hilo.
—————-
Yun lang. Sana di mo makalimutan ang aking mga reklamo. Para rin naman sa kapakanan mo ito. Maniwala ka man o hindi, masmasusulit mo ang iyong load kung magsisikap kang tuparin ang aking limang kahilingan. Kaya’t humayo ka na’t ibalik ang pagkadisente ng text messaging. Habang may natitirang oras at load ka pa — at habang meron pang unlimited texting service. > : )
